中年好聲音 4｜白眉鷹王真身曝光 莫家淦自揭參賽曾陷自我懷疑.TVB人氣歌唱比賽《中年好聲音4》昨晚（1日）播出第14集，當中「動物園」參賽者集體除下面罩、揭曉真身的環節，成為全晚焦點所在！備受觀眾猜測的「白眉鷹王」，真身正是曾擔任TVB娛樂新聞台主播、憑處境劇《愛·回家之開心速遞》保安「王朝」一角成功入屋的莫家淦（Keith）！

現年43歲的莫家淦，入行多年參演逾百部劇集，除了主播、演員身份，原來他向來有一把靚聲，更曾推出過個人單曲，可謂多才多藝、百足咁多爪！今（2日），莫家淦特意在社交平台撰寫長文，大談以歌手身份站上《中年好聲音4》舞台的心底話，一番真摯感言獲大批網民留言力撐。

莫家淦在長文中自嘲，入行多年觀眾對他的印象依然模糊：「可能好多人都唔認識我，面目相當模糊。而認得我嘅，有啲會話以前成日睇我報道娛樂新聞，有啲就會話記得我係《愛回家》嘅保安，但唔記得我係王朝、馬漢定係趙虎。」他憶述，自己一畢業就入咗娛樂圈做娛樂新聞主播，之後陸續嘗試過行內不同崗位，拍過旅遊節目、演過劇集，做過春晚司儀，在不同舞台唱過歌，亦做過直播帶貨，更推出過個人單曲，「每一份工作自己都會盡心盡力去做，希望大家喜歡。」

縱然過往有不少舞台表演經驗，但今次相隔多年重拾歌手身份、站上比賽舞台，莫家淦坦言曾一度陷入自我懷疑：「而今次當知道有機會以藝人身份參加《中年好聲音4》時候，心情係興奮，但同時又有啲擔心。因為自大學畢業後我基本上無再參加過任何歌唱比賽，心入面不停問自己：得唔得呢？會唔會好快被淘汰？值唔值得去玩呢？」

不過向來滿滿正能量的莫家淦，最終決定放下顧慮，盡心盡力享受舞台：「我以白眉鷹王身份參加《中4》。當自己上到比賽台上，發覺原來真係好鍾意舞台，好鍾意唱歌。過程雖然緊張，但又好享受。」如今終於揭曉真身，他坦言：「今日終於可以除低面罩以「莫家淦」示人，我唔知喺呢個比賽可以走到幾遠，亦唔知喺娛樂圈可以走到幾遠。總之，盡力，盡心，過好人生每一段旅程。多謝大家支持，再次同大家介紹返，我係白眉鷹王，即係莫家淦。」

莫家淦的真誠發言感動不少網民，大家紛紛在留言區為他打氣，對他後續的比賽表現充滿期待，有人留言「加油！你一定得」，亦有網民大讚「幾年前喺佛山聽過你主持+唱歌，TVB藝人果然都係萬能嘅」！TVB