群发资讯网

曾展望(GM)、葉蒨文(Sophie)出席昨晚(19日)的《萬千星輝賀台慶》,情

曾展望(GM)、葉蒨文(Sophie)出席昨晚(19日)的《萬千星輝賀台慶》,情侶檔受訪,其中Sophie以「中門大開」兼大露背的連身裙現身,非常性感,問GM會否怕女友被睇蝕,他說:「一定睇,都預咗,咁又唔會蝕嘅,公司生日吖嘛。」近日《女神配對計劃2》的參賽者俞可程被踢爆疑搭上TVB一名導演,當街繑手非常親暱,惹來「假單身」揣測。身為第一屆參賽者的Sophie,透露上屆節目組嚴格審查,並要在記招宣誓:「佢唔止問,佢仲會捉我哋入房,逐個人,恐嚇我哋,嗰時我入到房,佢哋好似有晒證據咁樣,恐嚇我哋,又問『我聽講你拍緊拖喎』……成班黑晒面、演晒戲,然後逐個叫我哋出去!」談到若有參賽者假單身,會損害節目聲譽,應如何杜絕相關情況?GM就笑言:「扣佢show錢!」

談到Sophie的火辣戰衣,GM直言是當晚才首度親眼目睹,即遭女友踢爆:「咩呀!我有send過俾你睇!」GM急忙解釋是「真人第一次睇」,並招認早於化妝間已忍不住偷望女友,Sophie即甜笑大爆:「係呀,佢昅我呀,我問佢做乜昅我,我望佢嘅時候,佢縮開個眼神。」被問到有否偷望其他女藝人,GM即求生欲極強地澄清「我真係冇」,隨後更盛讚女友造型高貴:「好靚囉,雅典娜,希臘女神雅典娜!」Sophie聞言即大方轉身,展示白滑大玉背。至於如何評價男友一身打扮,Sophie則笑言「佢日日都咁型,都冇咩感想」。此外,Sophie當晚要兼顧跳舞表演,她透露近日為此落足苦功練舞:「練到隻腳瘀晒,食消炎藥上陣,平時郁得唔夠多,呢個練舞強度太難,冇見過。」身旁的GM聞言即大顯暖男本色,表示看到女友練到周身傷非常心痛,私下有幫她按摩及用按摩槍「呵返」。

近日俞可程被指疑「假單身」參加《女神配對計劃2》,Sophie表示台慶當日一早便回電視城綵排至凌晨,全神貫注練舞而未有留意新聞;GM亦附和:「我掛住睇佢跳舞,所以都冇睇。」回想第一季拍攝點滴,Sophie大爆節目組當年為確保女神單身,不但要在記者會上公開宣誓,事前更逐個被「捉入房」嚴刑逼供:「佢唔止問,佢仲會捉我哋入房,逐個人,恐嚇我哋,嗰時我入到房,佢哋好似有晒證據咁樣,恐嚇我哋,又問『我聽講你拍緊拖喎……』成班黑晒面、演晒戲,然後逐個叫我哋出去。分享返,原來佢對每一個都係咁樣做,我哋嗰屆係,今屆唔知有冇改變到策略。」GM亦指男參賽者同樣有被追問感情狀況,但就未知節目組有否暗中進行背景調查。

被問到即使公開宣誓亦難保有人說謊,Sophie笑指「呢啲豐儉由人」,GM亦認同「乜都有可能」。至於當年私下有否簽署防造假合約,Sophie坦言沒有,並解釋第一季屬於「試水溫」階段:「其實我哋嗰屆呢,我相信,都係試水溫,因為都係一個好新嘅真人show、戀愛show,公司都冇諗到咁複雜,或者甚至冇諗過會有咁多人關注,我相信嗰陣時嘅準備,可能係準備個節目嘅嘢,但係冇諗到咁複雜。」

若參賽者隱瞞戀情參加配對節目,難免影響節目公信力。被問到有何良策杜絕類似情況,GM先表示:「我覺得首先,未定罪㗎嘛,呢個問題就好似假定咗佢哋唔係單身,我覺得首先真係要問清楚當事人,睇吓佢點答。」不過講到具體防範措施,兩人隨即一唱一和搞笑獻計,Sophie率先提議「簽生死狀」,GM則緊接高呼:「扣佢show錢!一經發現扣show錢!」Sophie聞言即雙眼發光、越講越興奮,更順勢為自己爭取福利:「嘩好正呀呢個!打個五折!我諗到,我諗到,唔止扣show錢,應該將扣嘅show錢分畀節目其他單身嘅人。記住《女神3》嘅時候就要簽呢啲合約,將啲罰款留畀我哋《女神1》嘅人,我哋會好好運用!」