群发资讯网

過氣緋聞男女周嘉洛與陳瀅今晚(18日)以黑白配襯到絕的造型,翹住手齊行台慶的紅地

過氣緋聞男女周嘉洛與陳瀅今晚(18日)以黑白配襯到絕的造型,翹住手齊行台慶的紅地氈。兩人接受訪問時被讚是「螢幕CP」, 陳瀅表示:「我哋真係好耐冇合體,真係好開心大家都鍾意我哋呢一Pair,一齊行係公司安排。」周嘉洛就話跟陳瀅合體是求之不得,不過緋聞已不了了之,問是否意味兩人是真感情?周嘉洛又說不是:「我哋今日唔講呢個話題,今日我哋黑白配,同阿瀅好襯。」陳瀅再說:「大家鍾意,我就鍾意。」

問到周嘉洛可有跟10月22日生日的陳瀅慶祝?他說和陳瀅感情好,已食了幾餐生日飯慶祝,但沒有單獨約會。再問陳瀅可有留意周嘉洛惡搞劇集《玫瑰戰爭》的片尾曲《大娛樂家》MV?她說:「我留意佢廣告多啲,開心見佢有咁多廣告,但我有啲唔舒服,因為佢踩過界拍埋美容產品廣告。(拍護膚品廣告可有贈商品給陳瀅?)佢都好多,唔使我畀,飲食啲嘢就可以畀佢。」對於周嘉洛就指自己接廣告種類多,她亦言自己在廣告方面好百搭,除化妝品外,任何產品都有拍廣告,兩人笑言望將有機會合體拍廣告。同時當陳瀅得知周嘉洛在台慶中有高難度演出時,陳瀅則為好友打氣:「加油、Good Show、安全。」