藝人江嘉敏離巢無綫後外闖,在HOY首部原創處境喜劇《你的保安李寶安》首度登場!其精湛演出備受讚賞。網民大讚她的演出喜感十足富幽默感,成功將高傲氣質拿捏得恰到好處,為劇集增添了不少色彩。
江嘉敏接受東網訪問時表示:「其實好多朋友都話我骨子裏都係搞笑底,但就一直未有機會可以拍到喜劇,今次終於有機會將我搞笑嘅一面發揮出嚟,不過我都唔係最搞笑擔當,正爺(李尚正)喺片場係非常好笑,佢可以做到啲表情自己唔笑,但側邊嘅人笑到畀收音師嗌唔好再笑嘞!其實導演起初都有話點解搵我casting,係因為佢喺我IG見到我一句自我介紹嘅說話,佢覺得我係一個極有喜感嘅人,嗰句就係『光加熱就等於火,江嘉敏就等於我』,佢話淨係呢個已經好搞笑。」
另外,說到劇中她圍繞兩男葉振弘(Marco)及「羅宋湯」王耀宏之間,她笑言:「冇錯,今次拍劇就係左擁右抱兩個靚仔。羅宋湯係我細佬嚟嘅,但我同Marco係咩關係大家就真係要睇,我唔透露得。」說到她拍劇是前輩級,有否指導其他人時,她即謙稱:「唔好玩,我都係第一次拍處境劇,但之前拍劇經驗啲企位、燈位同機位點睇自己就可能多啲經驗嘅。」
今次江嘉敏在劇中將演技發揮得淋漓盡致,她飾演神秘高層秘書Creamy(小忌廉)。其中一場戲突襲保安部,並與羅宋湯(王耀宏飾)動作親密!阿彩(盧頌恩飾)吃醋追查,驚悉二人曾經同居、還正商量離婚分身家,甚至連小孩都有了!深愛羅宋湯的阿彩甘願與他承擔養大孩子的責任。此時,江嘉敏竟爆出「孩子不是羅宋湯的」!羅宋湯慘被戴綠帽?真相背後牽涉他的驚天身世?
劇情講述江嘉敏來到保安部,不僅霸佔羅宋湯的位置,還使喚他購買珍珠奶茶。兩人隨後更旁若無人地共享同一支飲管,江嘉敏還貼心地為羅宋湯整理衣領與撫平衣服。他們一舉一動全被一直暗戀羅宋湯的畢好彩(阿彩)目睹,令阿彩醋意大升,堅信江嘉敏正在對羅宋湯進行另類的「職場欺凌」。
為探虛實,阿彩以杜拜朱古力麻糬向江嘉敏套話,竟意外得知江嘉敏與羅宋湯「曾經 Share 過同一間屋」同居過!接着,阿彩、李寶安與邱副隊長更偷聽到江嘉敏透過視訊通話照顧一名「Jayden BB」的小男孩,羅宋湯亦熟練地湊上前逗弄孩子,三人宛如一對新手父母。緊接在後樓梯間,阿彩更偷聽到江嘉敏與羅宋湯爭執分家產、要求「分一半身家」並談及找律師的對話。阿彩與李寶安大膽推測:兩人其實是隱婚同居、育有小孩且正在商量離婚!
得知「真相」後的阿彩雖然心碎,但深愛羅宋湯的她決定勇敢面對。阿彩主動向羅宋湯表白心意,表示願意陪伴他、甚至不介意一起承擔養育Jayden BB的責任!豈料在江嘉敏準備離開時,阿彩提出想見見BB,江嘉敏卻當場爆笑透露:「BB根本唔係Lawson嘅!」此言一出,全場大受震撼!李寶安與阿彩誤以為羅宋湯慘被戴綠帽,甚至讚嘆羅宋湯「太偉大、太盡責、太可憐」。到底真相是為何?







