【On.cc】張智霖吳卓羲現身慶功宴　戴耀明憶30年前初相識點滴

男神張智霖（Chilam）與吳卓羲（Ron）等主演的無綫台慶劇《璀璨之城》創下佳績，無論收視及口碑都是近年少見。日前監製陳維冠號召台前幕後飯敍慶功，全個團隊歡度了一個晚上，Chilam及Ron自然成為全場焦點，兼是大家集郵對象，尤其Chilam於戲中先後令高海寧、陳瀅及陳曉華生不如死，但私底下他卻深得一眾靚女「歡心」，合影時陳瀅更老實不客氣出招攬實Chilam，照片事後於網上瘋傳，不少人都羨慕帥哥「艷福無邊」。

張智霖被陳曉華、陳瀅、高海寧三大花旦爭住合照。

至於戲中經AI扮演「東先生」的戴耀明更加心思花盡，與Chilam及Ron合影後，再翻出多年前大家合作拍戲的花絮，剪輯放上網且感性留言：「時間過得真快，Chilam大約30年前拍《天地男兒》第一次認識，卓羲大約26年前他入TVB做演員第一次認識，多謝兩位大佬請食飯﹗」Chilam昨受訪淡然回應﹕「都係想請番啲手足食餐飯啫，冇乜特別嘢喎。（話你同Ron負責埋單。）呢個都唔係重點，唔使特別提啦﹗」

「東先生」戴耀明回憶跟張智霖及吳卓羲初相識點滴。

戴耀明曾與張智霖拍《天地男兒》。

戴耀明與張智霖初認識已是30年前。

潘靜文亦有跟張智霖及吳卓羲合照。

張智霖與吳卓羲慶功宴上雞啄唔斷。

《璀璨之城》台前幕後飯敍慶功。