【On.cc】玫瑰戰爭︱林夏薇「戲」場盡開　17個造型搶焦點

無綫台慶劇《玫瑰戰爭》主要演員包括：楊茜堯、陳豪、林夏薇、馬國明、陳展鵬、姚子羚、傅嘉莉、陳自瑤、鄺潔楹等。

林夏薇散發魅力。

昨晚（10日）一集焦點絕對是林夏薇，飾演雲生身邊大紅人的她，每個造型均極之亮麗，為凸顯天誠一姐身份，薇薇短短一集先後換了17個造型，除有劇中角色造型，還有大蝴蝶白色晚裝、黑色型格Casual wear、多款貴氣套裝等，當中白色晚裝的大露背設計，將薇薇雪白肌膚展露無遺；另一款闊肩設計的貴婦套裝，則令薇薇望落氣場全開，足見每個造型花盡心思。出名唔錫身的薇薇，拍攝《玫瑰》繼續貫徹拚搏精神，無論是開場的攀石意外場口、或是結尾的槍戰追逐戲意外現場，薇薇大部分動作鏡頭均是親身上陣，當中尤以攀石時由高空急墮一幕最令人印象深刻。

薇薇受訪時，透露攀石部分「睇落容易，其實一啲都唔簡單」：「因為我係比較畏高，所以嗰種心理關口都算突破。場戲一啲都唔容易，跌落嚟嗰下個鏡頭，喺空中 Hold 住咗好長時間、好考腰力，嗰日都攀咗好多個鐘，指甲都斷咗幾隻！之後全身痛咗幾日，主要係平時運動量十足。不過出嚟睇到個效果好好，咩都值得。」

至於陳自瑤（Yoyo）的「凍齡」美顏，也吸引了高度關注！由 20 歲青春少艾演到中女的Yoyo，劇中所有造型，無論是簡約的白恤衫造型、或是華麗的影后造型及白色晚裝裙配紅鞋造型均極之省鏡，樣子夠晒甜美的同時，標準身形亦吸獲一致好評，難怪有網民選她為劇中保養得宜女藝人頭三甲，另外兩位當然是楊茜堯及薇薇。

另外，由三位女主角林夏薇、姚子羚及傅嘉莉主唱的《玫瑰戰爭》片尾曲《大娛樂家》，日前於劇集官方平台上架。MV中，三位女主角齊齊以濕髮 Look 上陣，全情投入獻唱片尾曲，姚子羚未知是否因為太投入，眉毛長期上下「郁動」，遭網民戲指「姚子羚條眉好忙！」另亦有網民笑言，一度誤以為 MV 是最新洗頭水廣告：「點解洗完頭唔吹頭？」、「可以考慮做洗頭水廣告」、「好想幫佢哋吹乾個頭。」

三人之中，傅嘉莉(Kelly)是首度獻聲，坦言夢想成真。談到MV拍攝趣事，Kelly 受訪時笑言她們「造型」蘊含特別意義：「點解會攞咁嘅角度嚟拍 MV 哩，其實係想帶出女藝人喺鏡頭面前其實好赤裸、冇乜私隱，好多嘢都畀人睇晒。所以我哋會以好似沖緊涼嘅造型出現，頭髮又有少少濕咁。」

林夏薇演活角色。

林夏薇以多個造型亮相。

衣香鬢影！

楊茜堯相當專業。

楊茜演技擔當。

楊茜堯揮灑自如。

陳自瑤大晒演技。