【On.cc】陳展鵬帶藝人接受乒乓球特訓　目標迎戰港隊名將藝人陳展鵬今日（2日）

【On.cc】陳展鵬帶藝人接受乒乓球特訓　目標迎戰港隊名將

藝人陳展鵬今日（2日）出席無綫節目，以「明星乒乓球隊」隊長的身份帶領藝人接受乒乓球特訓，終極目標是迎戰香港隊名將。身為前香港乒乓球隊成員的展鵬在現場大晒球技，就算用手機打球亦難不到他，他說：「節目最重要係宣揚乒乓球。（節目為你而設？）我真係唔知，不過我咁多年都有睇乒乓。我哋喺節目中要過五關，要踢館，先同小朋友打，一直打到去港隊，依家高手在民間。」他坦言近年少練波，但間中也會跟女兒及太太一齊打波：「囡囡鍾意打，佢鍾意冚我，係我教佢打，但佢依家要忙讀書，我都唔會強迫佢，最重要健康，有時我打波，佢都會跟我一齊睇，仲落場打吓，太太都有打波，佢有時打得仲好過我。」

談到近期參加不少綜藝節目成綜藝王，他稱只是剛好：「希望自己做好，唔好令大家失望。（做咁多綜藝係為還騷？）我唔使還騷，呢段時間係寒冬期，大家有嘢做好好彩，無論公司綜藝、拍劇或配音，最重要有嘢出街，大家開心。」並預告年尾將有新劇開拍。