【On.cc】王祖藍笑指女兒有男朋友　預告明年返TVB：睇吓可以搞啲乜

王祖藍李亞男夫婦今午現身電視城錄影節目《夫妻肺片》第2季，但由於李亞男緊接有活動，故拋低老公一人留守接受記者訪問。祖藍表示節目內將大談子女經，問到他將來會否是「呷醋外父」，祖藍即答﹕「唔介意囡囡拍拖，我自己都喺加拿大搶咗人哋個女返嚟。」他揚言採取唔參與政策﹕「父母即使為咗個女好，都會被覺得好煩㗎﹗」

王祖藍指不介意女兒拍拖。

祖藍又搞笑指細女早前舉行生日派對，已有男朋友仔出席，對方比囡囡矮細：「我個女有個我咁嘅爸爸，應該唔介意身高。我最緊要嘅係畀多啲父愛佢哋，因為聽講女仔喺爸爸身上有乜缺失，就會喺男朋友身上搵番。我淨係俾唔到兩樣嘢佢哋，就係高度同靚仔嘞﹗」

王祖藍笑指細女早前舉行生日派對，已有男朋友仔出席。

他又坦言現世代很多人採取不婚主義：「所以佢哋嫁得出，我已經好開心。盡量同太太喺佢哋面前表現恩愛啲，等佢哋相信愛情囉。」至於近日掀起的兩台處境劇之爭，祖藍認為百花齊放是好事，亦相信高層們自有解決方法，而明年無綫迎來60周年，他亦預告屆時會返TVB﹕「睇吓可以搞啲乜囉。」

王祖藍預告明年返TVB。