【娛樂新聞】何超蓮出席珠寶活動避談家事 曝賭王結婚送紅寶 談及大尺度戲份遭助手拉走

賭王千金何超蓮今日（30日）出席珠寶品牌店開幕活動，不過公關事先表明她不談家事。何超蓮受訪時表示，自己首飾當中較多耳環，但未試過遺失。談到收藏了哪些最名貴珠寶，她笑謂：「真係唔知！阿媽都話我應該要知，如果唔係會驚，可能佢唔話我知，我又唔知幾錢亂咁用。」對於老公竇驍可有送過特別意義嘅首飾，她笑言對方送過耳環及手錶，其中一對耳環是她與老公行街時，她大讚好靚，事後老公便買來送給她。問到會否與老公戴情侶款手鈪，她即笑說：「跌咗！我有嘗試買返，但都係跌咗！咁我就覺得算啦！」提到可有獲媽媽送贈「家傳之寶」，她笑謂：「要問下我阿媽，未傳！」不過，何超蓮透露已故父親何鴻燊在她結婚時，曾送上紅寶系列珠寶。

另外，提到何超蓮客串演出電影《敦煌英雄》，首度與老公竇驍以「夫妻檔」進軍大銀幕，更是其「銀幕處女作」。她笑言自己只有一分鐘戲份，呼籲大家要留意，劇情講述她出現後便會死掉。談到戲中「污糟」造型，她指劇組以荷里活化妝技術，花了三小時為她化上「邋遢」妝容，導演更要求要更加「核突」及「黑眼圈」，原本面上沒有瑕疵都要加上。她表示：「呢部戲係三年前拍，原本都知道係客串唔係拍好長，嗰時仲未拍《多想和你再見一面》，所以《敦煌英雄》係我第一部戲。」

提到TVB劇集《璀璨之城》有大量場景在澳博旗下嘅物業取景拍攝，何超蓮表示不知道，但有聽聞該劇有很多大尺度情節。談到她可會接受大尺度戲份時，在場超蓮助手突然中斷訪問拉走她，十足巨星一樣。她則笑笑口未有回答就掩住嘴離場。TVB