紐約力博今早領取嘅冠軍指環，設計極有心思，除咗平日常見嘅鑽石隊徵，連麥迪遜花園都放埋入去，加上全隊嘅波衫號碼，以及晉級之路，既突顯咗眾志成城，亦令呢次冠軍永遠被銘記。

呢次冠軍係繼1973年後再次登頂，所以紐約力博亦搵來當年冠軍隊成員負責頒授指環，由法斯亞（Walt Frazier）同巴特利（Bill Bradley）領銜，唔少紐約力博名將亦有到場，加上場邊嘅名人，絕對係星光熠熠。

球員開心，教練應該更開心。布朗（Mike Brown）成為NBA教練已29年，今次係佢第五隻冠軍指環，不過之前係出任馬刺（2003）及勇士（2017、18、22）助教時獲得，今次係佢首次以主教練身份獲此殊榮，值得慶賀！

內容擇自- 仙道彬手記🏀