🔸意大利足總宣佈，三屆意甲神射手悉路尼（Giuseppe Signori）加入成為意大利 U20 國家隊代表團團長，協助教練倫施亞達。

呢行任命由意大利足總主席馬拿高提出，並且得到技術總監雲尼亞里嘅認同。馬拿高表示非常高興悉路尼嘅加入，佢過去係意甲同意大利國家隊嘅關鍵人物，並且有天賦、敏銳嘅入波觸覺同極好嘅專業精神，佢嘅經驗、技巧同願意接受呢項挑戰所展現出嘅熱誠，將會成為培育年輕球員同增強佢哋對國家歸屬感嘅重要資產。

呢位前拉素一代前鋒透過聲明表示，對於重返代表隊嘅大家庭感到好高興亦都感覺好特別，佢會將自己嘅經驗傾囊相授，並且陪伴年青人走過呢段成長歷程，幫助佢哋邁出實現夢想嘅重要一步。好感謝馬拿高給予機會，佢充滿動力，渴望為意大利足總同代表隊出一分力。🇮🇹

Forza Azzurri[超话] 🔵🔵