▪️AC米蘭險勝亞特蘭大，但部份球員賽後表示非常「憤怒」，球隊幾乎將 3-0 嘅優勢完全消耗。佢哋一度領先3球嘅情況下，最後只係險勝1球。賽後，韋比奧特（Adrien Rabiot）直言：「我唔係太確定我哋是否配得上呢場勝利。」

喺干卡路拉莫斯嘅十二碼被卡尼錫基（Marco Carnesecchi）撲出後，亞特蘭大發起反擊，憑藉加爾坦奴（Gianluca Gaetano）與卡斯度域（Nikola Krstovic）各建一功將比分追近，若非守門員麥尼安（Mike Maignan）喺危急關頭作出神勇撲救，險象環生AC米蘭早已被追和3-3。

▪️祖雲達斯喺經歷週中歐聯賽事後，主力陣容先收起包括干斯卡奧同禾達美迪。佢哋都一直佔據著場上嘅優勢，但係就未能打開僵局，高路梅安尼嘅攻門始終欠缺火候。喺換邊加強進攻後，情況依舊未有太大好轉，反而比賽尾段再次失球。

拉素呢場都幾「士氣波」，事實上佢哋嘅後防對禁區保護做得唔錯，至少冇俾太多機會對手有極具威脅嘅攻門。加圖素祭出嘅三翼鋒攻擊線效果唔錯，伊薩臣下半場就入靚波；後備入替嘅巴舒魯（Fisayo Dele-Bashiru）尾段表演「獨闖龍潭」相當精彩。近五次交手，佢哋都只係輸咗一場。

意甲第七週賽事賽果-費辛隆尼4-2 薩斯索羅威尼斯1-0 拿坡里博洛尼亞1-3 國際米蘭羅馬2-0 熱拿亞烏甸尼斯0-3 萊切費倫天拿1-3 科莫AC米蘭3-2 亞特蘭大祖雲達斯0-3 拉素蒙沙🆚卡利亞里（稍後時間進行）帕爾瑪🆚拖連奴

Serie A Enilive 🇮🇹