費倫天拿官方宣佈撤退教練格羅素💔

據報導更換教練除咗因為開季三場聯賽全部輸曬，一共失咗九球之外，總監柏拿廸治同格羅素喺星期日晚嘅對話發生激烈嘅爭吵，雙方就危機處理、技術決策同組隊方針出現嚴重嘅分歧。其中原因包括格羅素一直希望堅恩嘅去留問題可以盡快解決，並且盡早引入翼鋒去完善佢嘅 433 陣式，而柏拿廸治就對球隊嘅成績、戰術同頻繁改變陣容感到不滿，因此換教練似乎無可避免。

新教練人選據報曾經考慮過基拿甸奴、杜陀、柏拿甸奴、莫達等等，但 Di Marzio 啲報道就話最終會係上季執教嘅雲路利回歸。

而費倫天拿喺嚟緊嘅星期五會作客對陣威尼斯。