【娱乐新闻】汪明荃謝君豪出席鍾景輝紀念展 謝君豪爆請病假被King Sir當眾鬧爆：嗰吓嚇死我.汪明荃與謝君豪今日（5日）一同出席《戲劇大師鍾景輝紀念展覽》揭幕禮，深情悼念一代戲劇宗師King Sir（鍾景輝），並分享昔日與恩師相處的溫馨點滴與幕後趣事。

汪明荃表示自己特別喜歡聽King Sir講述個人故事，因為他的配音和情感「真係好感動」。她說：「King Sir一生人本身就是一個很好的作品，對香港演藝界的貢獻更係非一兩部作品可以代表，而係代表住整個貢獻、整個全港嘅史詩。」

身為King Sir學生的謝君豪笑言，老師的作品和金句太多，自己經常把King Sir的教誨記在心頭。他透露King Sir平時看似和藹可親，但上堂時其實相當嚴格。

謝君豪更分享一段令人忍俊不禁的趣事，他笑言讀書時曾向King Sir請病假：「嗰次我真係有病，去咗睇醫生，真係有醫生紙，點知King Sir以為我冇，當時我又排緊戲，King Sir喺觀眾席衝落嚟問我『你今日仲咩唔返學』，嗰吓嚇死我，因為好大聲，你知啦King Sir把聲係好大聲，我係俾佢嚇親。」TVB