【娱乐新闻】Surfive三子現身活動 冼靖峰不適缺席 余宗遙月底赴貴州開騷 黃星綽拍BL劇賣關子.男團Surfive日前（3日）現身《香港01》十周年慶典活動，惟現場只有黃星綽、余宗遙及黃奕斌三位成員亮相。Surfive受訪時親自解畫，透露文佐匡因有工作在身未能出席，另一成員冼靖峰則因身體不適缺席，對未能齊人現身感到可惜。

談到近況，Surfive表示正積極籌備下一首新歌，重任交由成員余宗遙（Dez）親自操刀寫歌。黃奕斌則透露早前與「細Hugo」黃星綽參與了同一套劇集的試鏡：「呢個Casting我同細Hugo有Casting同一套劇，咁我相信好快大家都會見到，我諗可能年尾12月左右嘅時候就會見到我哋。」

演出方面，余宗遙將於9月19日前往貴州遵義參加演唱會，屆時會與內地歌手及Rapper同台交流，同場還有林智樂（Felix）參與演出。他說：「咁我都有幸唱到幾首歌，咁都同埋一啲都幾多人識嘅一啲內地嘅歌手、Rapper或者唱跳嘅歌手。場館都幾大，但係希望經過上次紅磡體育館嗰個試練之後，今次希望再穩陣多少少。」

此外，黃星綽有份參演的香港首部BL網劇《煙灰》正熱播中，他在劇中飾演潛入警隊的黑幫成員林同薛。談及劇中表現，黃星綽笑言自己的出場集數有限，直到第五集才登場並接近尾聲，但過程相當驚喜。被問到與對手是否有不少親密互動時，他大賣關子：「預告見到我哋好親密，會唔會有好多其他親密戲，我就唔透露住啦！」呼籲粉絲密切留意其演出。TVB