【娛樂新聞】曾展望回應《非份之罪》打壓疑雲 女友葉蒨文一句留言令全場爆笑.藝人曾展望5日出席模特兒選秀比賽擔任主禮嘉賓，見證時尚界新星誕生。佢受訪時坦言，樣子漂亮並非重點，反而係骨子裡嘅獨特性同自信。GM仲話對行Catwalk好有興趣，認為學習做模特兒能夠學到儀態同姿態，幫助到日常工作，更搞笑表示唔介意著內褲或泳褲拍攝，盡顯大方態度。

提到近日喺熱播劇集《非份之罪》中飾演好色渣男獲觀眾大讚，GM透露拍攝時非常刺激，睇到劇集出街都覺得自己合格，亦能讓觀眾睇到自己另一面：「第一次挑戰咁誇張嘅角色，都可以話係惡人中嘅惡人，綁架、勒索、強暴、非禮都齊晒，對我嚟講都係幾大嘅挑戰。」而劇中對游嘉欣施暴嘅情節，GM就話一連串動作都有武術指導在場教導，事前亦同游嘉欣做足溝通，確保拍攝安全。

對於有媒體報道佢喺宣傳期間「被缺席」，惹嚟打壓疑雲，GM笑言：「都有人問我，係我咁啱唔得閒咋！」一句話輕鬆澄清傳聞。問到女友葉蒨文可有欣賞《非份之罪》中嘅演出，GM搞笑話：「Sophie睇咗少少，唔敢睇晒，我本身以為佢怕醜，但尋日佢喺我個post留言話怕自己太興奮。」佢仲話兩人好珍惜每個工作機會，即使是情侶檔做大尺度演出都完全冇問題，令全場爆笑。據知GM嘅後援會已正式成立，001號會員資格早已預留俾葉蒨文，足見兩人感情穩定甜蜜。TVB