【娛樂新聞】陳曉華走出情傷同病痛陰霾風波後首發文，25字感性独白：要有勇氣接受愛。

早前TVB上位小生朱敏瀚同港姐冠軍陳曉華（Hera）傳足兩年嘅地下情畫上句號。日前陳曉華出席活動，明顯消瘦唔少，面對傳媒追問，佢態度冷淡，將朱敏瀚降級做同事劃清界線，仲爆出自己年初因為低血壓，喺街頭差啲暈倒要送院。

接連經歷情變同身體抱恙多重打擊，陳曉華事隔多日終於更新社交動態，寫下一段心底話：致所有需要勇氣嘅人，有勇氣去付出愛，亦要有勇氣接受愛！多謝一眾以身作則嘅你哋，令呢個意義非凡嘅活動受到大家關注。