自2012/13球季開始，過去14季德甲有13次冠軍獎盤屬於拜仁慕尼黑，佢哋亦破天荒隊史第35次聯賽封王，今季就提前4週宣佈勝出。至於聯賽入球數字方面就去到109球（數字相信會繼續擴大），淨勝球高達80粒。整季賽事至今僅錄得一場敗仗，喺1月24號進行嘅第19週賽事，佢哋喺安聯球場以1-2不敵奧格斯堡。

本週佢哋就以4-2 擊敗史特加作為冠軍嘉勉「儀式」，後備入替嘅夏利卡尼攻入個人本季第32粒聯賽入球，領先第二位足足14球，金靴獎已經係板上釘釘！

德甲第30週賽事賽果-聖保利1-1 科隆賀芬咸2-1 多蒙特柏林聯1-2 禾夫斯堡利華古遜1-2 奧格斯堡雲達不萊梅3-1 漢堡法蘭克福1-3 RB萊比錫費雷堡2-1 希頓咸拜仁慕尼黑4-2 史特加慕遜加柏1-1 緬恩斯

Bundes Liga德甲 🇩🇪