臥底嬌娃｜李海銅播公開試神曲！網民集體崩潰：心都震一震**

《臥底嬌娃》昨晚講到奕風（馬貫東飾）回憶起兩年前點樣識到嘉盈（李海銅飾），點知劇情突然彈出公開試神曲，即時引爆網民！

話說潛入二世嘅奕風壓力爆煲，去洗衣店洗衫點知部機壞咗，搞到佢情緒失控，一腳一腳踢向洗衣機。

之後佢打去客服投訴，等緊接線嗰陣，電話傳來嘅竟然係公開試神曲《綠袖子》。神奇嘅事發生，奕風原本躁到爆嘅心情竟然即刻冷靜落嚟，仲忍唔住笑問嘉盈：「你哋公司係咪有指引，遇到客人投訴就播呢首歌？」

嘉盈就話：「唔好意思先生，我頭先個腦急得濟，唔知點解剩係諗起呢首大部分香港人都會識得嘅歌。」奕風再講：「即係你知道呢首《綠袖子》喺香港大部分學生嘅惡夢。」呢段對白認真搞鬼。

呢一幕即刻引起網民熱議，個個都話估唔到套劇會突然殺出首《綠袖子》，留言區一片崩潰：「一聽到首歌，心都震埋」、「係惡夢嘅回憶」、「好似返到試場嘅感覺」、「每次聽到都覺得好驚」。

TVB