【On.cc】黃宗澤返餐廳開工密密招呼客人　連抖啖氣時間都冇

新科視帝黃宗澤（Bosco）無論內地或香港的人氣一直高企，兩邊都有工開，在內地更是吸金吸到手軟。他在港生活貼地，私下亦是家居男一名，孝順媽媽，除了與朋友在大排檔食飯外，更會親自落街市買餸「一抽二掕」。日前有網民目擊Bosco返餐廳開工，一到埗後便要密密招呼人客，連抖啖氣的時間都沒有，更有人晒出一年前黃宗澤的照片，指他累到滄桑不少，令人心痛。

他日前被拍到返餐廳開工的片段，見他拎住一袋兩袋，一返到餐廳，在場內地粉絲見到已要求合照簽名，他即刻要除口罩招呼客人，企定定讓大家影相，又舉機自拍簽名傾偈，冧爆粉絲，相當識做。近照中的Bosco臉色比以往疲倦，浮現了些少黑眼圈和眼袋，看來做演員和老闆兩重身份不容易。有人晒出他一年前的照片，當時的他精神許多，更心痛他：「他一年真的老了好多」，不過對藝人來說多Job接絕對是好事。有人亦回覆：「還是很型！」

Bosco成為雙料視帝。

Bosco返餐廳開工。

係咁招呼客人。

又同Fans影相。

好客之道！

一年前都冇咁殘。