【On.cc】吳若希晒與孫燕姿追星舊照　計錯數被笑到面黃

台灣歌手孫燕姿近日在港舉行演唱會，吸引不少香港藝人朝聖，原來吳若希（Jinny）亦是孫燕姿的粉絲。她今日（15日）在社交網晒出12年前跟偶像的合照證明，更為她而拋子棄女，她寫道：「2014年7月24日，相隔16年，今晚終於可以再次奔赴現場，啊啊啊啊啊~~~仔女都唔理啦！」不過佢就計錯數，將12年寫做16年，雖然佢急急於其中一個社交網更改內容，但另一個社交網仍然係寫住「相隔16年」，即被網友笑到面黃，當中留言：「你數學幾差下哈哈」更獲逾5,700個Like，真係𤓓爆！Jinny亦相當大方，自己都有Like番笑佢計錯數嘅留言，繼續同大家打成一片。

被網友發現計錯數，非常尷尬。

吳若希晒出現場片段，同佢自己嘅Enjoy樣。

有得追星就滿足。

相中的Jinny一臉稚嫩，身穿短褲仔及背着背包，長腿矚目，雖然她比孫燕姿高出半個頭，但就一臉含羞答答的站在偶像旁邊，雙手緊握在前，顯得緊張又拘謹，跟平時鏡頭前的Jinny截然不同。有網民讚她樣子好少女，叫她記得今晚要擺出同一個甫士合照，又大讚Jinny可愛及凍齡：「當年的Jinny好可愛」、「清純的若希」、「小粉絲咁」、「12年都冇變過」。

孫燕姿最近在港開騷，吸引不少港星捧場。

吳若希晒出12年前跟孫燕姿的合照。

吳若希是孫燕姿的粉絲之一