活躍於網上平台的藝人蔡思貝（Sisley），近日激罕亮相曾傳緋聞的余德丞網上頻道節目，兩人圍爐邊食邊傾，打邊爐打到「㷫合合」時，竟將舊緋聞、私下友好關係及趣事全擺上枱。

節目甫開始時，余德丞因Sisley遲到足足38分鐘，令他忍不住說：「識就識咗好耐，係唔係好熟呢？又唔係，所以我都唔知應該點樣去界定呢位朋友，佢個名係我演藝生涯中如影隨形。」雖然關係好，但一見緋聞女友「蒲頭」就柴台指她光芒大減，更爆seed說：「已經唔再鍾意你啦」搞到她要扮嬲走人，再反爆余德丞是「巨嬰」，要身邊人遷就，他即反擊笑她皮膚乾要滋潤湯底，被激到翻白眼的她怪責對方：「彈夠未呀」，兩人表現似足鬥氣冤家。

Sisley對余德丞有彈有讚，指他生活品味高如「公子」：「唔一定要華麗，但一定要好有質素。」他亦表示緋聞女友曾是「心目中的女神」，所以見面時難免緊張。再談到傳了8年的緋聞，她形容自己性格內向是「宅女」，兩人少約會是因恐懼：「以前我同你出街食飯都會傳緋聞，有呢個恐懼好正常。」節目尾聲時，他為Sisley慶生之餘，又問可後悔亮相其節目，她笑指：「有少少自尊心受損，但食嘢方面好滿意。」節目播出後，不少網民直呼兩人是「兄弟情深」：「多啲搵佢一齊拍片食飯」、「Sweet friendship」、「睇得出佢哋真係識咗好耐，先會咁自在」、「蔡思貝遲到半個鐘都唔嬲，真係好朋友先會咁」等。