小儀突宣布結婚　晒婚戒冧爆：找到自己愛的.前電台DJ阮小儀今日（25日）突然公布結婚喜訊，並晒出戴上婚戒的手，她說：「2025年 對我嚟講 係一個好年份。多謝你 令我人生下半場更精彩。亦想與愛我的你們分享，多謝你們滿滿的祝福。」同時亦祝大家聖誕快樂，圈中好友以及粉絲都紛紛留言送上祝賀。而小儀回覆稱：「感謝大家的祝福，我沒有特別說話補充，因為都係同大家一樣，找到自己愛的和愛自己的人就足夠。知道大家會好好祝福我，感謝。願大家都喺普天同慶嘅聖誕節 擁有愛與健康，享受生活中的每一刻！」不過原來小儀之前的情路十分坎坷，她曾在節目中表示：「次次都係衰畀第三者，唔知點解，命嚟㗎！」重提舊愛時更一度淚灑現場。小儀之前曾與CEO男友拍拖7年，分手後仍難以忘懷，她透露跟舊愛以前經常會在銅鑼灣西武百貨約會，但後來經過該地，驚覺百貨公司已結業，連可以懷念的地方都消失，令她觸景傷情而崩潰大哭：「個心突然好痛」。甚至就連舊愛父親亦曾苦勸她放下：「你唔好再諗住等我個仔...佢唔會記得，你走啦。」小儀亦曾認為過往感情失敗，自己也有責任，甚至想跟舊愛道歉。近年她逐漸改變心態，坦言30歲時曾為單身感到焦慮，覺得自己「將會陷入一個萬劫不復嘅位」，不過步入40歲之後，她發現單身也可以過得好快樂，家人和朋友的支持遠比愛情來得更重要。如今小儀終於覓得良緣，不少網民都為她感到高興。作為小儀多年拍檔的森美都為好友感到開心，送上祝福之餘，亦透露先前小儀有邀請一班好友跟家人及老公食飯聚會，不過就不是擺酒，只是大家一班親朋好友相聚，又言當晚大家都玩得十分開心。不過問到新郎是圈中還是圈外人？森美就表示不方便透露太多，笑稱現時跟小儀少見面，不清楚對方是否想公開男方身份，笑說：「呢啲問番佢本人啦」。