莊思明平安夜晒楊明冧豬合照　網友狂催婚亂估大肚.圈中恩愛情侶楊明與莊思明（Lisa）拍拖近10年，尋晚（24日）平安夜莊思明大方放閃，貼出二人甜蜜合照，並寫道：「平安夜快樂，Merry Christmas everyone」身後仲有璀璨煙花，明顯出埠玩。專登作悉心打扮嘅二人，以同色系情侶裝現身，莊思明一襲露背長裙更係令佢更見修長，佢又刻意轉身晒白滑美背，更於煙火下向楊明連環送吻，冧盡男友。大批網民睇完合照，都向兩人催婚，加上莊思明一身微微鬆身長裙，有人好奇留言問：「是不是懷孕了？」轉頭Lisa亦晒出二人家中頭貼頭片段，Lisa晒出別致聖誕眼妝，真係甜過蜜糖，令人羨慕。TVB