藝人黎耀祥、龔嘉欣、倪嘉雯、孔德賢、關嘉敏、莊思敏等，今日（25日）在觀塘出席無綫劇集《香港探秘地圖》宣傳。倪嘉雯、關嘉敏、羅雪妍、鄧伊婷與黃子桐變身「女團」齊齊跳狐仙舞，莊思敏示範以英文打小人後，眾人齊齊模仿，倪嘉雯要打走渣男、關嘉敏則笑說：「打走阻我上位嘅小人。」龔嘉欣則揚言要打「老闆」黎耀祥，「捱打」的黎耀祥更七情上面笑言像「滿青十大酷刑」，但之後則反擊「詛咒」嘉欣拍拖都會散，相當搞笑。

黎耀祥與龔嘉欣接受訪問皆指沒有試過打小人，問到是否沒有小人要打？黎耀祥笑言：「希望啦，自己都唔在意有冇小人，所以都冇話要刻意化解。」他又指拍劇多年，就算在傳聞多多的公司休息室瞓覺，也沒有遇過靈異事件。龔嘉欣被問到她可需要打走渣男？她則說：「唔使，又唔使去到咁仇恨。」黎耀祥與龔嘉欣和倪嘉雯齊齊拍跳舞片為劇集宣傳，片段在社交網相當受歡迎，龔嘉欣說：「條片好勁，過百萬點擊，大家回憶返黎耀祥扮羅記，話原來黎耀祥咁玩得，諗住搵黎耀祥再拍片，有啲高難度動作嘅，但要練下。」黎耀祥則笑言：「嗰個做唔到，又要倒立、又要反轉個人，唔係唔想做，係做唔到，我驚要Call定白車，我哋依家條腰唔係話撐就撐，等我練吓先。依家唔同平台要唔同嘅嘢去吸引人，好欣賞佢哋搵一啲渠道同觀眾溝通，我就試吓，都要與時並進。」