《正義女神》內地首播口碑爆燈！佘诗曼演什么就是什么 佘詩曼搣甩 Man 姐味剛柔並重感染力強.琴日《正義女神》於優酷首播，隨即喺內地掀起熱烈討論同廣泛關注。今次阿佘徹底搣甩「Man 姐」嘅影子，將果斷正義、外剛內柔嘅新角色言惠知演得入木三分，唔少網民睇完都大感驚艷：

「覺得佘詩曼將言惠知演到活晒，真係太好睇！希望《正義女神》熱度可以再爆上一層樓，後面劇情同角色發揮得更好嘅話，好大機會第五度封后」「演技真係全程在線」「溫柔入面又滲住剛正嘅氣質」「阿姐真係太犀利，演咩角色都咁有震撼力」「細個睇苗若蘭、周芷若、爾淳、劉三好…… 永遠最鍾意嘅 TVB 女神」另外，劇集集中探討「青少年犯罪問題」，亦引發網民強烈共鳴，大讚劇情好貼地：「睇完第一集第一單案就意難平」「而家睇落好貼近而家嘅教育狀況」「而家社會對青少年真係太放縱」「睇劇情睇到個心都翳住」「呢套劇一定會爆，呢幾年未成年人犯罪嘅案件真係越來越多，仲有好多都轟動全國，呢套劇拍得好好，希望可以推動未成年人相關法律更加完善」唔少網民仲大讚，TVB 先至係拍「職業精英劇」嘅權威：「好睇啊，第一集就跌宕起伏，TVB 編劇真係太超前」、「果然香港拍呢種題材先係真正嘅神」、「律政味十足」。TVB正义女神